| Startseite | Aktuell | Wanderwege | Kontakt/Info | Techn.Daten | Links |

Ds Chilcherbärg Seilbähnli

von Hans Murer

Wotsch nid obsi läüfä
wotsch nid schwitzä,
chasch fir ä Fiiflyber is Chilcherbärg Bähnli sitzä,
diä luftig Fahrt zum umäluägä nitzä.

Uber Tannä und Felsä fahrsch äm Himmel zuä
dobä im Bärg findisch d’ Ruhä,
es hed zwar nur stotzigs und ghogerigs Land
doch all Sortä Bluemä wiä susch niänä, i däm Land.

Mä het nu Zyyt fir ä Gast
bevor wiitergasch, machsch bim Wisi ä chli Rascht,
mit eppis Glick chasch Reh und Gämschi gsee
Chiä und Chälbli und anderi Tiäri nu vil meh.

Vom Wisi’s Bärghüs ziäht äs Räüchli fort
das verspricht ä warmä Ort,
dr Kafechruäg isch immer paraat
ob einä chunnt, oder gaat.

Hesch einisch gsee all diä Bluämämattä
wetsch am liäbschtä nimmä abbä,
wo Lärm und Gschtank
Mänsch und Tiär macht halbä chrank!

De gids nur eis
plansch i d Chilcherbärgä di nächschti Reis,
Dü wirsch es gsee,
da gid es Natürwunder, nu vil meh!

Zurück